Telegram bot yaratish

O'zbekistonda mijozlaringiz kun bo'yi Telegramda. Bot ular uchun eng qulay kanal: yuklab olish shart emas, ro'yxatdan o'tish shart emas, buyurtma bir necha tugma bosishda beriladi.

Bot qanday vazifalarni bajaradi

Telegram bot — bu shunchaki avtomatik javob beruvchi emas. To'g'ri qurilgan bot biznesning bir qismini butunlay o'z zimmasiga oladi.

• Buyurtma qabul qilish — katalogdan mahsulot tanlash, savat, manzil va telefon so'rash, buyurtmani bazaga yozish
• Bron qilish — sartaroshxona, klinika, restoran stoli yoki sport zali uchun vaqt tanlash
• Mijozlarga javob — ko'p beriladigan savollarga tayyor javoblar, kerak bo'lganda operatorga ulash
• Bildirishnoma yuborish — yangi mahsulot, aksiya yoki buyurtma holati haqida
• Ichki ishlar — xodimlar uchun: kunlik hisobot, davomat, ombor qoldig'ini tekshirish
• To'lov qabul qilish — Click va Payme orqali chatdan chiqmasdan

Har bot bilan birga admin panel beriladi: u yerda buyurtmalarni ko'rasiz, katalogni tahrirlaysiz va foydalanuvchilarga xabar yuborasiz. Bot va saytingiz bitta bazadan ishlashi mumkin — buyurtma qayerdan kelganidan qat'i nazar bitta joyda ko'rinadi.

Oddiy bot yoki Mini App

Ikki xil yechim bor va ular turli vazifalar uchun.

Oddiy bot tugmalar va xabarlar orqali ishlaydi. Arzon, tez yasaladi va sekin internetda ham muammosiz ochiladi. Kamchiligi: katalog katta bo'lsa, tugmalar bilan mahsulot tanlash noqulay.

Telegram Mini App — bu Telegram ichida ochiladigan to'laqonli ilova. Tashqi ko'rinishi mobil ilovaga o'xshaydi: rasm galereyasi, filtrlar, savat, animatsiyalar. Foydalanuvchi hech narsa yuklab olmaydi va avtomatik tanib olinadi. Yuzdan ortiq mahsulot bo'lsa yoki interfeys murakkab bo'lsa — Mini App to'g'ri tanlov.

Konstruktor yoki dasturlash

Internetda bot konstruktorlari ko'p va ular arzon ko'rinadi. Ochig'ini aytaylik: oddiy vazifalar uchun konstruktor yetadi. Agar botingiz faqat menyu ko'rsatib, telefon raqamini yig'sa — konstruktordan foydalaning, biz ham shunday maslahat beramiz.

Konstruktor yetmay qoladigan holatlar:

• Bot boshqa tizim bilan gaplashishi kerak — sayt, 1C, ombor bazasi
• Nostandart mantiq: masalan, mahsulot og'irligiga qarab yetkazib berish narxini hisoblash
• Ma'lumot sizniki bo'lishi kerak — konstruktorda mijozlar bazasi ularning serverida qoladi
• Foydalanuvchi ko'payganda oylik to'lov qimmatlashib ketadi
• Xizmat yopilsa yoki narxni ko'tarsa, botni ko'chirib bo'lmaydi

Yozilgan bot sizga to'liq tegishli: kod, baza va server — hammasi sizda. Oylik abonent to'lovi yo'q, faqat server xarajati (oyiga 50 000 so'mdan).

Ish qanday boradi

Bot uchun ssenariy eng muhim qism — kod emas. Shuning uchun ish shundan boshlanadi.

• Ssenariy. Foydalanuvchi botga kirganda nima ko'radi, qaysi tugmalarni bosadi, qayerda adashishi mumkin — hammasini chizib chiqamiz va siz bilan kelishamiz
• Dasturlash. Bot mantig'i, baza va admin panel
• Sinov. Botni birga sinab ko'ramiz: siz mijoz rolida o'ynaysiz, biz kamchiliklarni tuzatamiz
• Ishga tushirish. Serverga joylash, BotFather sozlamalari, sizga kirish ma'lumotlarini topshirish

Ishga tushirilgandan keyin 2 hafta bepul qo'llab-quvvatlash: xatolik chiqsa darhol tuzatamiz.

Ko'p beriladigan savollar

Botni ishlatish uchun oylik to'lov bormi?

Bizga emas. Telegram bot bepul, kod sizniki. Yagona doimiy xarajat — bot ishlaydigan server, oyiga 50 000 so'mdan. Xohlasangiz uni o'z hostingingizda joylashtirasiz.

Bot bir vaqtda nechta odamga xizmat ko'rsata oladi?

Amaliy cheklov yo'q — minglab foydalanuvchi bir vaqtda ishlashi mumkin. Yuklama juda katta bo'lsa, server quvvatini oshirish kifoya, botni qayta yozish shart emas.

To'lovni bot orqali qabul qila olamanmi?

Ha. Click va Payme integratsiyasini qo'shamiz — mijoz chatdan chiqmasdan to'laydi. Buning uchun sizda YaTT yoki MChJ ro'yxatdan o'tgan bo'lishi kerak.

Botni keyinchalik o'zgartirish qancha turadi?

Kichik o'zgarishlar (matn, tugma nomi, yangi mahsulot toifasi) — bepul, birinchi 2 hafta ichida. Keyingi jiddiy qo'shimchalar soatbay yoki kelishilgan narxda: odatda yangi funksiya 300 000 so'mdan boshlanadi.

Yana qarang